
大寶伏藏TD2142གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོ་ཐུན་མོང་མིན་པའི་སྐོར་ལས་འཕགས་པ་རེ་མནྟའི་སྒྲུབ་པ་བཞུགས་སོ༔ ནོར་རྒྱས་པའི་ལས་ཚོགས། རྒྱས་ལས་གནམ་ཆོས་རེ་མནྟ། སྒྲུབ་ཐབས།
51-5-1a
༄༅། །གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོ་ཐུན་མོང་མིན་པའི་སྐོར་ལས་འཕགས་པ་རེ་མནྟའི་སྒྲུབ་པ་བཞུགས་སོ༔ ནོར་རྒྱས་པའི་ལས་ཚོགས། རྒྱས་ལས་གནམ་ཆོས་རེ་མནྟ། སྒྲུབ་ཐབས།
༄༅། །གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོ་ཐུན་མོང་མིན་པའི་སྐོར་ལས༔ འཕགས་པ་རེ་མནྟའི་སྒྲུབ་པ་བཞུགས་སོ༔ ༁ྃ༔ དབང་དྲག་པདྨའི་སྐུ་ལ་ཕྱག་འཚལ་ལོ༔ ཨཱཪྻ་རེ་མནྟ་ཡི་སྒྲུབ་པ་ནི༔ གཏོར་མ་དཔེའུ་རིས་ལྟར་བཅའ༔ དེ་ལ་མངོན་རྟོགས་ལྟར་དུ་ཙཀླི་འཛུག༔ དེ་ནས་དམིགས་པ་འདི་ལྟར་བྱ༔ རང་གི་མདུན་དུ་རེ་མནྟ༔ དམར་པོ་ཞལ་གཅིག་ཕྱག་གཉིས་པ༔ ལུས་ལ་གསེར་ཁྲབ་སེར་པོ་གསོལ༔ གཡས་པས་རལ་གྲི་ནམ་མཁར་གཡུགས༔ རྟ་གདོན་རྣམས་ཀྱི་མགོ་བོ་འགེམས༔ གཡོན་པས་ལྕགས་ཀྱུས་རྟ་རྣམས་འགུགས༔ གཡང་ཅན་རྟ་སྔོ་ཆུ་རིས་ཞོན༔ དབུ་ཡི་སྟེང་ན་བྱ་ཁྱུང་ལྡིང་༔ ཀླུ་རྣམས་སྲོག་རྩ་ཧེ་ཏང་ཏང་༔ ཕྲག་པ་གཡས་གཡོན་བྱ་ཁྲ་ལྡིང་༔ ས་བདག་ཕྲན་བུ་འདར་ཆུམ་ཆུམ༔ མདུན་གཡས་རྒྱ་སྟག་ཕོ་མོ་བདུན༔ མདུན་གཡོན་སེང་གེ་ཕོ་མོ་བདུན༔ ཤར་ནས་འགུགས་བྱེད་ཕོ་ཉ་སྟོང་༔ རང་འདྲ་དཀར་པོ་ལྕགས་ཀྱུ་གཡས༔ ལྷོ་ནས་རྩོལ་བྱེད་སེར་པོ་སྟོང་༔ རང་འདྲ་གཡས་པས་ནེའུ་ལེ༔ ནུབ་ནས་བྱ་ར་བྱེད་མཁན་སྟོང་༔ རང་འདྲ་དམར་པོ་གཡས་རལ་གྲི༔ བྱང་ནས་དགྲ་བགེགས་སྒྲོལ་མཁན་སྟོང་༔ རང་འདྲ་ནག་པོ་གཡས་ལྕགས་སྡིག༔ བདག་ལ་དངོས་གྲུབ་སྟེར་བའི་ཕྱིར༔ སྤྱན་འདྲེན་ཕཻཾ་ཕཻཾ་བདག་གིས་འབོད༔ མནའ་དགུ་བཞག་པའི་ཤག་པོ་ཡིན༔ ཕ་མ་བྱས་ནའང་
51-5-1b
དེ་རང་ཡིན༔ དཔོན་གཡོག་བྱས་ནའང་དེ་རང་ཡིན༔ ཚ་ཞང་བྱས་ནའང་དེ་རང་ཡིན༔ ཨོཾ་ཨཱཪྻ་རེ་མནྟ་སྭཱ་ཧཱ༔ ཧྲཱིཾ་ཧྲཱིཾ་ཛ་ཛཿཕེཾ་ཕེཾ༔ དེ་ནས་སྔགས་འདི་བཟླའོ༔ ཨོཾ་ཨཱཪྻ་རེ་མནྟ་སྭཱ་ཧཱ༔ གྷོ་ར་སིདྡྷི་ཕ་ལ་ཧཱུྃ༔ དེས་ནི་རྟ་རྣམས་འཕེལ་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ ཁ་ཐམ་གུ་ཧྱེ༔ འདི་ཐུན་མོང་མ་ཡིན་པ་ཀརྨ་ཆགས་མེད་ཁོ་ནའི་ཆོས་སྐལ་ཡིན་གསུངས་སྐད་དེ། སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གཉིས་མེ་ཕོ་སྤྲེལ་ལོ་ཁྲུམ་ཟླ་བའི་ཡར་ཚེས་བདུན་ལ་གུ་རུ་དྲག་པོས་དངོས་སུ་བཀའ་བསྩལ་པའོ།། །།



